النبي المــاحي

هذه مساهمة أخري في مدح الحبيب وقد كتبتها علي نسق المديح القديم وأرجو ان تنال الرضا والقبول

ياللذنوب ماحي ....صلي علي الماحي
وآل بيتو والصاح .... عدّ الماء والباح
***
بسم الله فتاح .. سن بالنبي الماحي
يوم وضعو ياسامعين ...نورو الوضاح
جات حاطة فوق ليهو ذات الجناح
زلزل لعرش كسري وايوانو منزاح
البدر شال من نورو ولاح لينا حين لاح
***
ربي العظيم اختار ... زين الملاح
امدح وقول فوقو اشجينا ياصاح
الفاق المرسلين وأهل الصلاح
واسع منشرح صدرو لجبينو طرّاح
حبيبك ياود رباح وسيدك يالجراح
في السلم ساماح وفي الحرب جمّــاح
***
بدعوك يامولاي ... ياللذنوب ماحي
بنبيك ، وكل نبي ....وأهل الصلاح
بالبرعي و ود التوم ... و ود حاج الماحي
والعركي وقريب الله أحباب الماحي
وابشملة وابوفركة ... مدّاح الماحي
وبالجيلي ود محمود .. في حفظ الماحي
ودفع الله شاع ذكرو وعمّ النواحي
فرج لهمي ..... وداوي الجراح
***

البرق لمّاح ... من طيبة الماحي
هبت نسائم الخير ..جابت أرياح
شغلت أفكاري ...وبقيت الاهي
هون علي ياكريم..واطلق سراحي
قاصدين مدينة الخير .. نوصل نرتاح
***
صل ياقديم الذات .. علي ذا الفلاح
عدد الشداد ومهاد ..وعدد الأرواح
عد ما تحرك شئ.. او زفر صاح
زيل النواح.. وأضمن صلاحي
واجمع شمل أحباب إبنة صلاح

اختكم وفاء صلاح

ࡹا سلام ياسلام اختي العزيزه الرايعه وفا لك التحيه والشكر وقصيده جميله
}
}࡜ميله جدا جدا واصلي في هذا الابداع

ࢂعماد اخوك

» صفة حج النبي صلى الله عليه وسلم
» قفات مع حج النبي صلى الله عليه وســـــــلم
» إخبار النبي عن قتل أمير المؤمنين عمر بن الخطاب
» أبناء النبي صلى الله عليه وسلم
» حزن الصحابة لوفاة النبي صلى الله عليه وسلم